Mei Liadabuach - De Gschichd vom Isaak

Das ist die Seite von Gustav Freudmann / Mei Liadabuach

De Gschichd vom Isaak

(The story of Isaac/Leonard Cohen)

Die Dia gehd laungsaum auf,
mei Voda stehd herinnan,
i bin nein Joa oid.
Er is so riesngroß,
seine blaun Augn leichdn,
und sei Schdimm is wia Eis so koid.
Ea sogd "Bua i hob wos geseng.
Du waaßd i bin stoak und fromm
und muaß duan wia da Hea des woid".
Eiso ged a in Beag auffe,
i muass rennan, doss i nochkumm
und sei Oxd, de is aus buan Goid.

De Bam wean laungsaum kiaza,
da See gla eis wia_ra Schbiagel,
mia mochn Rosd und drinkn Wei.
Daunn haud a d'Floschn daune
und mia gengan wieda weida,
ea nimmd mei Haund, gibds nimma frei.
I glaub i siech an Odla,
doch vülleichd is a_r_a Geia,
i wia nie wissn, wöchas Dia.
Daunn baud a_r_an Oidor hi,
waaß, i dua mi ned vasteggn,
drahd si amoi nua um zu mia.

Und es, wos bauds Oidoire,
fias Opfan vo de Kinda
es diafds des duan nimmamea.
Wos es woids, is ka Vision ned,
es hod eich kana augschoffd,
ned da Deife, ned da Hea.
Jo es, wos schdehds do driba,
min Beu so schdumpf und bluadich,
es woads jo domois goa ned duadt.
Wia_r_i glegn bin, am Beag drom,
in Vodan hod de Haund so zidad,
aus Fuachd vuan Hean sein Wuadt.

Und waunns zu mia jeds Bruada sogds,
daunn mechd i scho gean wissn,
in wen sein Nom duads ma des au?
Waunn ois amoi in Schdaub vasinkd,
daschiaß i eich, waunns augschoffd is,
oba_r_i hüf eich, waunn i kau.
Waunn ois amoi in Schdaub vasinkd,
daunn hüf i eich, waunns augschoffd is,
oba_r_i daschiaß eich, waunn i kau.
Daboamds eich fia mei Unifuam,
in Griag oda_r_in Friedn.
Sei Radl schlogd da eidtle Bfau.